Omikron variantı Awrupada küptännän bar

Afrikanıñ kön’yağında 25nçe noyabr’dä açıqlanuı belderelgän Omikron variantınıñ ikençe könne ük Bel’giyädä çığuı Awrupadağı berençe oçraq bularaq terkälde. Tik anıñ älege ilgä küpkä aldanraq kerüe bilgele buldı.  

Bel’giyäneñ Flamand töbägendä çığuçı gazetlarnıñ xäbärenä qarağanda, Könçığış Flandriyä cirlegendä berniçä atna êlek Kovid-19 êläktergän ber yäşüsmerdä Omikron variantı buluı açıqlanğan. Ul 2021nçe noyabrendä Çexiyäneñ Brno şähärendäge su polosı yarışlarında qatnaşqan Bel’giyä komandası sportçısı häm Melle dip ataluçı mäktäpneñ uquçısı.

Şulay itep Omikron variantınıñ Awrupağa uylanğannan küpkä aldaraq barıp citüe añlaşıldı.