58 bandit êläkterelde

Nigeriyanıñ terrorçı oyışma Boko Xaram êşçänlek alıp baruçı Borno töbägendä qorallı bandalarğa qarşı operaśiyädä 58 keşeneñ êläkterelüe belderelde.

Borno töbäge poliśiyä komissarı Umar Abdu äytüençä, zur külämdä qoral da qulğa töşerelgän.

Operaśiyä töbäkneñ Maiduguri, Bama häm Xavul cirleklärendä uza.

Nigeriyada 2008nçe yılda kötüçelär häm fermerlarnıñ bäreleşläre belän başlanğan dähşätle waqıyğalar 2015nçe yıldan keşe urlaw häm talawğa äwerelde.

İldä soñğı 3 ayda qorallı törkemnär arasındağı bäreleşlärdä meñnän artıq keşeneñ ğomere özelde.

2020nçe yılnıñ aprelennän iyülenä qadär uzdırılğan kiñ külämle “Puff Adder operaśiyäse” qısalarında 2 meñ 504 banda äğ’zası êläkterelde häm yolım alu öçen urlanğan 207 keşe qotqarıldı.