Kovid-19 xastalarına urın qalmadı

Niderlandnıñ Limburg töbägendä biş zur xastaxanä bergäläşep belderü yasadı. Anda reanimaśiyälärdäge urınnarnıñ tuluı häm Kovid-19 xastalarına başqa urın qalmawı äytelä.

Niderlandnıñ sälamätlek saqlaw ministrı Ugo de Yongeğa möräcäğat’ itep yasalğan belderüdä mediśina tarmağınıñ krizisqa kerü yulında buluı citkerelä.

Xastaxanälär awırularnıñ kübäyäçägenä aldan uq äzerlänülären, tik yoqtıru oçraqlarınıñ kötelgännän bik artıq buluın häm xäzerge wäzğıyät’neñ cirlektä ğadättän tış xäl däräcäsendä ikänen belderä. Şulay uq, şäfqat’ tutaşları häm başqa mediśina xezmätkärläreneñ az buluı, Kovid-19 xastaların qaraw öçen başqa awırularnı qarawsız qaldırırğa mäcbür bulu da äytelä.  

Belderüdä cırxawxanälärneñ 144%, reanimaśiyälärneñ 136% tulılıq belän êşläwe assızıqlana. Tabiblar 3nçe doza vakśinanıñ tiz arada qadala başlawı kiräklegen söyli.

Bu wäzğıyät’ Limburg bölgäsendä bulsa da, Niderlandnıñ başqa cirleklärendä dä şundıy uq xäl qabatlanaçağı farazlana.

Niderlandta yoqtıru oçraqları, vakśinalaştıru kürsätkeçläre yuğarı buluğa qaramastan, oktyabr’ ayı başınnan birle arta.