S'yerra-Leoneda 3 könlek matäm

S’yerra-Leone başqalası Fritaunda comğa tönge säğat’lärdä yağulıq tankerı şartlawı näticäsendä hälaq buluçılarnıñ sanı 101gä citte. İlbaşı Yulius Maada Bio waqıyğa bulğan urınğa - Vellington rayonına bardı. Hälakät yağulıq tankerı belän başqa ber texnika bäreleşü arqasında kilep çığa.

İlbaşı jurnalistlarğa belderüendä älege faciğaneñ küñel ärnetüçe buluın citkerde. “Xastaxanädä yatuçı 100dän artıq keşeneñ ğomeren saqlap qalu öçen köräşäbez. Barlıq tırışlıqnı quydıq häm ilneñ törle cirleklärendäge mediśina xezmätkärlärenä räxmätebezne belderäbez,”-dide ul.

İlbaşı Bio yağulıq tankerı hälakätendä ğomere özelüçelär öçen S’yerra-Leoneda bügennän başlap 3 kön matäm iğ’lan itelüen dä belderde.