"Öyemä höcüm itüçelärneñ kem ikänen beläbez"

Ğıyraq xökümäte räise Mostafa äl-Kazımi qorallı keşesez hawa apparatı belän öyenä höcüm itüçelärneñ kem ikänen belülären äytte. Ul Bağdadta ministrlar kabinetın çirattan tış cıydı. Kazımi andağı çığışında: “Cinayät’ êşläwçelärneñ êzennän baraçaqbız häm kem buluların bik yaxşı beläbez, tizdän xäbär itäçäkbez,”-dide.

Başqala Bağdadnıñ diplomatik missiyälär urnaşqan Yäşel töbäk dip ataluçı urınınıñ tirä-yünendä häm qayber başqa noqtalarda iminlek çaraları arttırıldı, xärbi texnika kiterelde.

Xökümät räise Kazımi dä Yäşel töbäktä yäşi. Kiçä irtänge yaqta wäqalätleneñ torağına qorallı dron belän höcüm yasaldı. Anı İran yaqlı şiğıy suğışçan köçläre oyıştıruı farazlana.