İrannıñ Törkiyä häm Azärbaycan belderüe

Hatibzadä başqala Tährandağı tışqı êşlär ministrlığı binasında oyıştırılğan atnalıq matbuğat oçraşuında jurnalistlarnıñ könüzäk mäs’älälärgä qağılışlı sorawlarına cawap birde.

Änkara belän Tähran arasındağı mönäsäbätlärneñ säyäsät, sośial’, iq’tisad häm iminlek ölkäsendä üseş aluın iskärtep uzuçı Hatibzadä: "Törkiyä belän İran arasındağı xezmättäşlek potenśialı başqarılğannan tağın da kübräk. Soñğı yıllarda yaqın mönäsäbät urnaştırdıq häm tormışqa aşırılaçaq şaqtıy proyekt bar. Yaqın kiläçäktä Törkiyä belän yuğarı däräcäle diplomatik säfärlär yasalaçaq”, - dip äytte.

Soñğı 30 yılda Azärbaycannıñ (Ärmänstan tarafınnan) yawlap alınuına qarşı toruların häm Azärbaycannıñ cir bötenlege belän möstäqıyllegen yaqlawların täqrarlawçı İran süzçese: "Yawdan azat itelgän töbäklär öçen Azärbaycan citäkçelegen häm xalqın täbrik ittek häm monıñ yıllığın da şatlanıp qarşılıybız”, - dip äytte.

Tähran häm Baqınıñ mönäsäbätlärne üsterü yaqlı buluın häm tışqı êşlär ministrlarınıñ daimi bularaq küreşülären citkerüçe Hatibzadä: "Mönäsäbätlärneñ üsüen häm matbuğat arqılı yasalğan yalğış añlaşılularnıñ qabatlanmawın telim”, - dip belderde.