Kovid-19 arqasında tuberkulyezdan ülüçelär arttı

Sälamätlek saqlaw sistemasında koronavirus kizüe kiterep çığarğan özekleklär säbäple tuberkulyez belän bäyle ülemnär soñğı 10 yılda täwge tapqır arttı.  

Bötendön’ya sälamätlek saqlaw oyışmasınnan belderülärençä, älege çirne däwalawda ireşkännär Kovid-19 arqasında yuqqa çıqtı.

Dön’ya külämendä 4 million 100 meñ keşedä tuberkulyez kürelgän. Bu san 2019nçı yılda 2 million 900 meñ bula.

Bötendön’ya sälamätlek saqlaw oyışması ğomum mödire Tedros Adxanom Gebreyesus yazmaça belderüendä bolay di: “Bu signal birüçe xäbär - millionlağan keşegä täêsir itüçe borınğı çirne diagnostikalaw häm däwalaw öçen investiśiyä kiräklegen iskärtüçe kisätü”.

Oyışmanıñ dön’yaküläm tuberkulyez programması mödire Tereza Kasayeva älege çirdän kön sayın yaqınça 4 meñ 100 keşeneñ ülüen belderä. Ul Kovid-19dan soñ iñ ülemçel yoğışlı awıru. 2020nçe yılda anıñ arqasında yaqınça million yarım keşeneñ ğomere özelgän.