Mäskäw öleşçä yabıldı

Rusiyä başqalası Mäskäwdä koronavirus kizüe säbäple “öleşçä yabılu” başlandı. Qala mêriyäse bu qararnı uzğan atnada çığarğan ide. Mäskäwdä yäşäwçelär kiçägedän başlap 7nçe noyabr’gä qadär yalda bulaçaq.

Bu waqıt êçendä şähärdäge, darular häm azıq-tölek tarmağında êşçänlek alıp baruçı şirkätlärdän tış, barlıq firmalar yabıla. Mäskäwlelär internet aşa satıp alaçaq.

Älege çorda restoran häm kafelar barı öylärgä kiterep birä alaçaq. Däwlät xezmäte kürsätüçe oyışmalar da yabıq bula. Balalar baqçaları häm mäktäplär yalğa kitä. Teatr häm muzeylarğa barırğa mömkin, tik alarda qayber şartlar bar: tulılıq däräcäse 50%tan artırğa tiyeş tügel, kereştä QR kod kürsätü kiräk häm bitlek kiyelgän bulırğa tiyeş.

Şähärdä mädäni, sport, küñel açu häm başqa çaralar oyıştıru tıyılğan. Sälamätlek saqlaw tarmağında êşläwçe ob’yektlar açıq.  

Mäskäwdä uramğa çığu tıyılmağan.

Kanikullar böten Rusiyädä iğ’lan itelde. Qayber töbäklärdä çaralar kiskenräk, qayberlärendä – yomşağraq.