Kön’yaq Afrikada cinayät’çelär qulğa alınğan
Kön’yaq Afrikada 700dän kübräk keşe qulğa alınğan
Yuğarı cinayätçelek belän köräş alıp baruçı Kön’yaq Afrika Cömhüriyätendä iminlek köçläre oyıştırğan operaśiyädä 700dän kübräk keşeneñ qulğa alınuı belderelde.
Xökümätneñ räsmi xäbär agentlığı “SA News” citkergänçä, poliśiya oyışmasınnan yasalğan belderüdä 18nçe-25nçe üktäbr’ könnärendä ilneñ iñ küp xalıq yäşäwçe vilayäte Gautengta cinayätçel oyışmalarğa qarşı kiñ qırlı operaśiya alıp baruı äytelde.
Belderüdä operaśiyalar qısalarında üterü, köçläw, maşina urlaw, röxsätsez qoralğa iyä bulu kebek törle cinayät’lärdän 700dän kübräk keşeneñ qulğa alınıp mäxkämägä tapşırıluı citkerelde.
Atna axırında Johannesburg şähäreneñ könbatışındağı West Rand töbägendä oyıştırılğan qorallı höcümdä 7 keşeneñ ğomere özelgän, 5 keşe yaralanğan ide.
Poliśiyadan yasalğan belderüdä höcümçeneñ, ber öygä kerep, öy xucası belän bergä 3 keşene üterüe äytelde.
Belderüdä höcümçeneñ annan soñ yaqındağı uramda oyıştırılğan tuy mäclesendä cıyılğan xalıqqa ut açuı, bu höcümdä dä 4 keşeneñ häläq buluı, 5 keşeneñ yaralanuı citkerelde.
Höcümçene totqarlaw öçen êşçänlek alıp barıla.
Bäyläneşle xäbärlär
"İzrailgä qoral satmağız"
Djozef Borrell İzrailneñ qulında qoral bulmasa ğına bombalawdan tuqtayaçağın belderde
İpi êçennän tıçqan qaldıqları çıqtı
Yaponiyada ber ikmäk peşerü şirkäteneñ tovarların kibetlärdän kire cıyalar