İzrail yawlap alğan cirlärdä toraq tenderın iğ’lan itä

İzrail toraq ministrı Zeev Elki “Walla News” saytında urnaşqan belderüendä: "Yahuda häm Samiriyedäge yähüd bistäläreneñ kiñäytelüe sionist küzallaw cähätennän kiräkle häm möhim”, - dip äytte.

Fälästin tışqı êşlär ministrlığı isä yasağan yazma belderüendä İzrailneñ tender iğ’lan itü qararın gäyepläde.

Belderüdä: "İzrail Fälästin cirlärendä kolonial’ toraq punktlarnı tözüne häm okkupaśiya proyektların tormışqa aşırunı açıqtan-açıq öndi, xalıqara cämäğätçelekneñ häm Amerika Quşma Ştatlarınıñ bu mäs’älädäge totışın iğ’tibarsız qaldıra”, - dip äytte.

Yaw astındağı Könçığış Qudüstä 13, Yordannıñ könbatış üzänlegendä 253 qanunsız yähüd toraq punktı bar.

Bu urınnarda yäşäwçe 660 meñnän kübräk yähüd küçep kilüçeläre okkupaśiya astında yäşäwçe fälästinnär öçen tormışnı tağın da awırlaştıra.

Xalıqara xoquqqa kürä, yawlap alınğan Fälästin cirlärendä urnaşqan böten yähüd bistäläre qanunsız dip qabul itelä.