Yanartawnıñ tuqtawı kötelmi

İspaniyäneñ Kanar utrawları tezmäsendäge La Palmada Kumbre V’yexa yanartawı 19 sentyabr’dän birle köl häm lava atuın däwam itä.

Kanar utrawları räise Anjel Viktor Torres beldergänçä, yanartawnıñ atuınıñ tiz arada tämamlanuı kötelmi häm şartlawlar axırına yaqınlaşmıy. Ul üz çığışında ğalimnärneñ dä fikerlären citkerde. “Härkemneñ iñ zur teläge bu buluğa qaramastan, şartlawlarnıñ tögällänüe yaqınlaşuı belän bäyle bernindi bilge yuq,”-dide Torres.

İspaniya milli geofrafiya institutı citkergänçä, La Palmada soñğı 24 säğat’tä iñ zurı 4,3 ball bulğan 42 cir teträw terkälgän.

Utrawda 19nçı sentyabr’dän birle lavalar arqasında 754 gektar mäydan häm 1835 bina yuqqa çıqtı. Annan yaqınça 7 meñ keşe êvakuaśiyälände.