“Rekord sanda äfğan keşese aç"

Berläşkän Millätlär Oyışmasına qarağan Bötendön’yaq Azıq-tölek programmasınıñ başqarma mödire Dêvid Bisley Äfğanstanda açlıqnıñ rekord däräcägä citüen belderep, aşığıç xalıqara yärdäm kürsätergä çaqırdı.

Bisley Tvitterda “Äfğanstan” êtiketı belän yullama yasap, ildä artqan açlıq krizisına iğtibarnı cälep itte.

“Rekord sandağı äfğan keşese aç. Xäzerge waqıtta 1 million balağa aşığıç yärdäm kürsätelmägän oçraqa citärsez tuqlanu arqasında ülem riskı yanıy. Xalıqara yärdäm qısqa waqıtta ireşterelmäsä, fäläkät bulaçaq. Bu açlıq belän köräş digän süz,” – dide ul.  

Bötendön’ya azıq-tölek programmasınıñ Äfğanstan wäkile Mêri Êllen MakGroarti da 6nçı oktäbr’ könne başqala Kabulda video konferenŝiya aşa matbuğat oçraşuı oyıştırıp, ildäge humanitar krizisnıñ ışanılmas däräcädä tiz üsüen açıqlağan ide.