Bangladeşta yılğalar pıçrana
Monıñ säbäbe - brakon’yerlık häm tügentelär
Bangladeşta kerlelek häm brakon’yerlık arqasında yözlärçä yılğa häm yılğa del’tası zıyan kürä.
Bangladeştağı Êkologik yuristlar assoŝiaŝiyase yuğarı citäkçese Syeda Rizvana Xasan yözlärçä yılğa häm del’ta urın alğan Bangladeşta yılğalarnıñ kerlelek däräcäseneñ artuın äytte.
Xasan yılğalarnıñ barı tik industrial’ tügentelär belän genä pıçratılmawın, şul uq waqıtta ildäge barlıq şähär xaqimiyätläre häm şirkätlärneñ tügentelärne yılğalarğa buşatuın açıqladı.
Syeda Xasan başqala Dakkadağı Su beläñ täêmin itü häm kanalizaŝiya oyıiması kebek däwlät oyışmalarınıñ da tirä-yaqtağı yılğalarğa zur miqdarda tügente buşatuın belderde.
Barguna töbägendäge balıqçılar cämğıyätennän Golam Mostafa da yar buyı töbäklärendä balıqçılarnıñ zur yılğa kanallarında balıq totu öçen ağu qullanıp, yılğalarnı pıçratuların citkerde.
Tirä-yaq moxitnı saqlaw häm soŝial’ qalqınu oyışması mart ayında urtaqlaşqan mäğlümatlarğa kürä Bangladeş här kön 3 meñ tonna plastmass qaldıq citeşterä häm ildäge 3 zur yılğa bulğan Padma, Megna häm Djamuna yılğaları Bengal qultığına här kön 73 meñ tonna plastmass tügente taşoy.
Zur miqdardağı qaldıqlar yılğa häm su yulları öçen genä tügel, ä keşe sälamätlege häm diñgez törlelege öçen dä zur qurqınıç tudıra.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy