“Taliban”nan BMOğa täq’dim
Äfğanstanda uzğan ayda citäkçelekne tartıp alğan “Taliban”, Berläşkän Millätlär Oyışmasına xat cibärep, N’yu-Yorkta ütkärelüçe 76nçı Ğomum şura söyläşülärendä qatnaşu telägen citkerde
Berläşkän Millätlär Oyışmasında Äfğanstannı kemneñ wäkillek itäçäge bäxäsläre däwam itkän çaqta, “Taliban” BMO ğomum särkätiplegenä cibärgän xatında oyışmada êlekke xökümätneñ tügel, üzläreneñ wäkillek itelüeneñ zarurlığın belderde.
“Taliban” waqıtlı xökümäteneñ tışqı êşlär ministrı wäkile Ämirxan Muttaki qul quyğan xatta BMO 76nçı General’ Assambleya söyläşülärendä qatnaşu teläge citkerelde.
Muttaki xatında Äfğanstannıñ BMO daimi wäkilçelegenä isä süzçelärennän Suheyl Şahinnı namzät itep kürsätte.
İllär BMO ilçese namzätläreneñ isemen oyışmağa cibärgännän soñ bu isemnär Berläşkän Millätlär Oyışması ğomum şurasınıñ akreditaśiya komitetı tarafınnan raslana.
Äfğanstannı Berläşkän Millätlär Oyışmasında xäzerge waqıtta êlekke xökümätneñ BMO daimi wäkile Ghulam Isaczai wäkillek itä.
