İlon Mask AQŞ ilbaşına üpkälägän
Djo Bayden SpaceXnı ğaläm turizmı uñışı belän qotlamadı
Amerikanıñ raketa, iyärçen häm ğaläm korabı çığaruçı şirkäte SpaceXqa nigez salğan İlon Mask orbitağa astronavtsız täwge säyäxätläre turında AQŞ ilbaşı Djo Baydennıñ berni äytmäwenä rizasızlıq belderde.
Twitterda beräw Masktan berençe ğaläm turizmı oçışınıñ uñışı belän il başlığınıñ nigä täbrik itmäwen sorıy. Êşmäkär isä êlekkege AQŞ ilbaşı Donal’d Trampnıñ 2020nçe yılğı saylawlarda Baydenğa taqqan “Yoqlawçı Djo” quşamatın xäterlätep “Bayden haman yoqlıy” dip cawap birä
SpaceX ğaläm yulçılığı tarixında täwge tapqır astronavt bulmağan häm tulısınça grajdanlılardan toruçı 4 keşelek törkemne Cir orbitasına oçırttı. Alar 3 kön ğalämdä qalıp yäkşämbe kire qayttı.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy