Kanar utrawlarında yanartaw şartladı

İspaniyaneň kön’yaq-könbatışındağı Kanar utrawları törkemennän La Palma utrawındağı Kumbre V’yexa yanartawınıň xäräkätkä kilüe arqasında yaqınça 5 meň keşe töbäktän çığarıla.

Soňğı ber atnada La Palmada 21 meňnän artıq cirteträw buldı.

Kanar utrawları räsmi zatlarınnan yasalğan açıqlawğa kürä, La Palmada kiçä 327 zilzilä küzätelä, vulkannıň 5 awızınnan ut yalqınnarı çığa.

İspaniya prem’yer-ministrı Pedro Sançes BMOnıň 76nçı Ğomüm şurası öçen AQŞqa säfären kiçekterüen citkerde.

Yanartawdan çığuçı köllär häm lavalarnıň tirä-yaqqa zıyan sala başlawı, lavalarnıň öylärgä taba baruı belderelde.

Räsmi zatlar xalıqnı şartlawlardan bülenep çığuçı gazlarnıň sulış alu yularına qurqınıçı mäs’äläsendä kisätte.

Belgeçlär vulkannıň kiläse könnärdä aktiv bulaçağın uylıy.