2 atna buyı susız häm rizıqsız
Diñgez urtasında watılıp qalğan migrantlar köymäse - ülem bişegenä äwerelä
Tön’yaq Afrikanıñ Atlantik okean yarlarınnan Kanar utrawlarına taba yulğa çıqqan qaçaqlar ülde. Alar köymä bozılu säbäple diñgezdä yaqınça 2 atna susız häm rizıqsız qala.
BMOnıñ migrantlar yuğarı komissarlığı häm Xalıqara migraśiyä oyışmasınnan belderülärençä, 54 keşene utırtqan köymä 3nçe avgustta quzğalğan. Anda 3 bala da bula.
Köymä 2 kön yözgännän soñ motorı bozıla. Yaqınça 2 atna buyı yulçılar êçmiçä häm aşamıyça tora. Köymäne 16nçı avgustta Mavritaniya yar buyı iminlege kürep ala. Ul waqıtta inde barı 7 keşeneñ genä isän buluı belderelä. 47 yulçı ülä.
Xäle bik awır bulğan 4 keşene Mavritaniyada xastaxanägä salalar.
10 kön êlek şul uq marşrutta tağın 40 keşeneñ ülüe bilgele.
“Kanar utrawlarına baruçı köymälärneñ sanı artqan sayın, ülüçelär dä arta. Bıyılnıñ ğıynvar ayınnan birle 350dän artıq keşe hälaq buldı, 8 meñnän artıq migrant bu diñgez yulın qullanıp İspaniyägä barıp citte,”-diyelä BMO häm Xalıqara migraśiyä oyışmasınıñ urtaq belderüendä.
