“Klimat üzgӓreşe tizlӓnde”

BMOğa qarağan Xökümӓtlӓrara klimat üzgӓreşe panele yaña xisap açıqlap, klimat üzgӓreşeneñ cӓyelüen, artuın hӓm tizlӓnüen kisӓtte.

Yaña klimat xisabında global’ cılınu belӓn qızularnıñ artacağı, cılı yıl fasıllarınıñ ozınayaçağı, salqın fasıllarnıñ isӓ qısqaraçağı assızıqlandı.

BMO ğomüm sӓrqӓtibe Antonio Guterreş xisap belӓn bӓyle yasağan açıqlawında illӓrne yaña qazılma yağulıq êzlӓw hӓm citeşterüne beterergӓ, ênergetikanı yañartıla torğan çığanaqlardan tӓêmin itӓrgӓ çaqırdı.

“Qazılma yağulıqlarnı qullanudan hӓm urmannarnıñ betӓ baruınnan bülenep çığuçı parnik gazı planetabıznı bua hӓm milliardlarça keşene risk astına quya. Köçlӓrebezne berlӓştersӓk, klimat fӓlӓkӓten buldırmıy qala alabız,” – dide ul.