"Bӓreleşlӓr arasında qaluçılarğa borçılabız"
Bu xaqta BMO ğomüm sӓrqӓtibe süzçese Stefan Duyarrik belderde
Berläşkän Millӓtlär Oyışması Ӓfğanstannıñ kön’yağındağı Leşkergaxta 10 meñnӓrçӓ keşeneñ bӓreleşlӓr arasında qaluına borçıluların belderde.
BMO ğomüm sӓrqӓtibe süzçese Stefan Duyarrik matbuğat brifingında Talibannıñ alğa baruınnan soñ Ӓfğanstanda artqan qırıslıq waqıyğalarınıñ borçu tudıruın ӓytte.
Xelmand hӓm Kandaxarda watandaşlar ülemeneñ artuın hӓm xastaxanӓlӓr belӓn bergӓ asqorımanıñ zıyan kürüen beldergӓn süzçe Ӓfğanstannıñ kön’yağındağı Leşkergaxta isӓ 10 meñnӓrçӓ keşeneñ bӓreleşlӓrdӓn çığa almawına borçıluların citkerde.
Duyarrik bıyıl 260 meñ, 2012nçe yıldan birle isӓ yaqınça 5 million keşeneñ Ӓfğanstanda yortsız qaluına iğtibar cӓlep itte.
Ӓfğanstandağı taraflarnı grajdannarnı hӓm asqorımanı saqlarğa çaqırğan süzçe xalıqara cӓmӓğat’çelekkӓ dӓ Ӓfğanstan öçen 1 milliard 300 million dollarlık yӓrdӓm kürsӓtergӓ çaqırdı.
Ӓfğanstanda tınıçlıq urnaştıru barışı bilgesez bulıp qalğanda iminlek köçlӓre belӓn Taliban arasındağı köçle bӓreleşlӓr dӓwam itӓ.
