3 zur megapolis qadär mäydan köl buldı

AQŞta däwam itüçe urman yanğınnarında N’yu-York, Los-Anjeles häm Çikago şähärläreneñ tulayımı qadär mäydan kölgä äwerelde.

İlneñ milli vedomstvoara yanğın üzäge atna axırında tağın 7 urında ut çıqqannan soñ urman yanğınnarınıñ 90nan artıq cirgä çäçräwen belderde. Könbatış yarında 1,8 million akr mäydan yandı.

İldäge iñ zur yanğın -  Oregon Butlegta. Anda häm Kaliforniyadağı utta bik zur alan xarap buldı.

Kaliforniyadağı yanğınnarnı atna axırında kontrol’ astina aldılar, Oregonda ut belän köräş däwam itä.

AQŞ milli vedomstvoara yanğın üzäge mäğ’lümatlarına qarağanda, yıl başınnan birle il külämendä 37 meñnän artıq yanğında 3 million akrdan artıq mäydan kölgä äwerelde.