Talibannıň soňğı 4 aydağı höcümnärendä tınıç xalıqtan 2 meň 566 keşeneň ğomere özelgän
Taliban suğışçıları soňğı 4 ayda 22 meň höcüm oyıştırğan
1683391
Äfganstanda Taliban suğışçılarınıň soňğı 4 aydağı höcümnärendä tınıç xalıqtan 2 meň 566 keşeneň ğomere özelgän, 3 meň 21 keşe yaralanğan.
Bu xaqta Äfganstan Tınıçlıq ministrlığınıň köç qullanunı kimetüne küzätü bülege başlığı Sayed Abdullah Haşimi beldergän.
Anıň äytüençä, Taliban suğışçıları soňğı 4 ayda 22 meň höcüm oyıştırğan.
Haşimi beldergänçä, köç qullanu, qırıslıqnıň artuı ildä matdi häm keşe yuğaltuların arttırğan.
Taliban höcümnäre arqasında 621 mäktäp yabılğan, meňlägän uquçı belemnän mäxrüm qalğan.
Äfganstanda tınıçlıq barışı bilgesez bulıp qala, iminlek köçläre belän Taliban arasındağı köçle bäreleşlär däwam itä.
