12 yäş'lek balanı atıp üterdelär

İzrail ğaskärläre 12 yäş’lek fälästinle malayğa çın yädrä belän atıp kükräge turısınnan yaralağan ide. Balanıñ ülem xäbäre kilde.

Fälästin sälamätlek saqlaw ministrlığınnan belderülärençä, Möxämmät äl-Allami, tabiblarnıñ barlıq tırışlıqlarına qaramastan, xastaxanädä can birä. Anıñ yarası bik awır bula.

Fälästin räsmi xäbär agentlığı WAFAnıñ xäbärenä qarağanda, fälästinle aktivist Möxämmäd Avad alar yäşägän cirlektä bernindi waqıyğa bulmawın, İzrail xärbiläreneñ tik torğanda yuldan ütüce texnikağa ut açuın häm anda ätise belän utıruçı 12 yäş’lek Möxämmät isemle balanıñ awır yaralanuın citkergän ide.