Franśiyädä vakśina mäcbüri bulırğa mömkin

Franśiyädä koronavirusnıñ Del’ta variantı tarala başlağannan soñ, ildäge sälamätlek saqlaw oyışmaları kiläse 2-3 ay êçendä 4nçe dulqınnıñ bula aluı xaqında kisätte. Senat 24 yäş’tän başlap 59 yäş’kä qadärgelär öçen Kovid-19 vakśinasın mäcbüri itüne kön tärtibenä çığara.

Franśiyä milli mediśina tikşerenüläre häm sälamätlek saqlaw institutı uzğan atnada ber xisap urtaqlaştı. Anda vakśinalaştıruda älegä citärlek däräcägä ireşelmäwenä iğ’tibar cälep itelä häm Del’ta variantı arqasında yanawçı 4nçe dulqın xaqında kisätü yasala.

Kizü belän köräş çaraların qarawçı Senator mäğ’lümati bülege bu temanı kön üzägenä çığardı. Del’ta variantınıñ uqu yılı başında yaña dulqınğa äwerelüenä yul quymas öçen berençe êtapta vakśinanı mäcbüriläşterü kiräklege telgä alındı. Senator mäğ’lümati bülege başlığı Bernar Jom’ye bu mäs’älä belän bäyle qararnı iyül’ urtasına qadär çığarırğa kiräklegen assızıqladı.

Franśiyädä kizü başınnan birle 5 million 780 meñ 648 yoqtıru oçrağı buldı, 111 meñnän artıq keşeneñ ğomere özelde. İldä bügengä qadär 70 million doza vakśina yasaldı.

Anketalawğa qarağanda, franśuz xalqınıñ 58%ı mäcbüri vakśina qadatu yaqlı.