Rusiyägä qarata sankśiyälär waqıtı ozaytıldı

Awrupa Berlege Ukrainanı totrıqsızlaştıruı säbäple Rusiyägä qarata iq’tisadi sankśiyäläreneñ waqıtın tağın 6 ayğa ozaytu qararı çığardı.

Bu xaqta Bel’giyä başqalası Brüssel’dä uzğan Awrupa Berlege liderlar sammitınnan soñ berlekneñ şura räise Çarl’z Mişel’ sośial’ media akkauntı aşa belderde. Ul Rusiyäneñ Minsk kileşüen tulısınça ütäleşen täêmin itü öçen üz öleşen kertergä tiyeşlegen äytte.

Mişel’ beldergänçä, Awrupa Berlege Rusiyägä qarata prinśiplarğa nigezlängän, êzlekle häm strategik mönäsäbättä bulaçaq.

Qarar nigezendä Rusiyägä sankśiyälär 2022nçe yılnıñ 31nçe ğıynvarına qadär ozaytıla.