Bezne küzätälär...

Astronomnar aqıllı tormış formalarınıñ Cirne küzätüe öçen yaxşı urında toruçı 29 planetanı açıqladı.

“The Guardian”nıñ xäbärenä qarağanda, monı Kornell universitetı astronomı Liza Kaltenegger häm Amerika tabiğat’ tarixı muzeyınnan astrofizik Djeki Fêêrti tikşerä. Alar qaysı yoldız sistemalarınıñ Cir xäräkäten küzätü öçen uñay urnaşuın tabırğa teli.  Bu maqsattan Awrupa ğaläm agentlığınıñ “Gaya” iyärçenennän alınğan mäğ’lümatlar nigezendä äzerlängän yoldızlarnıñ urnaşu häm xäräkäte kataloğın centekläp analizlıylar.

Belgeçlär 326 yaqtılıq yılı êçendä 5 meñ yıl aldan häm 5 meñ yıl soñınnan teläsä-qaysı waqıtta Qoyaş yanınnan ütkändä Cirne küzätä aluçı 2034 yoldız sisteması barlığın açıqlıy.

“Planetalarnı tabunıñ ber yulı – alarnıñ  üz yoldızlarınnan kilgän yaqtılıqnıñ ber öleşen qaplawları,”-di Kaltenegger.

Älege yoldız sistemalarında urnaşuçı häm tormış barlığı uylanıluçı 29 planetanıñ Cirne küzätü häm radio-televideniye tapşıruların tıñlaw öçen yaxşı urında urnaşqan buluı farazlana.