Awrupa şähärlärendä hawa pıçraq

Awrupa tabiğat’ agentlığı Awrupa Berlegendäge 323 şähärne analizladı häm kübesendä hawa sıyfatınıñ naçar buluın açıqladı. Alarnıñ barı 39ı “yaxşı” kategoriyäsenä kerä. Bu wäzğıyät’ Awrupa Berlegeneñ 2015nçe yılda bilgelängän standartlarnı bozuına iğ’tibarnı cälep itä.

Xisapta Awrupa tabiğat’ agentlığınıñ idarä mödire Xans Brüninksnıñ fikerlärenä dä urın birelä. “Ütkän yıllarda hawa sıyfatı ähämiyätle däräcädä yaxşırğan waqıtta Awrupadağı küp kenä şähärdä kiresençä – pıçraqlıq yuğarı noqtada qaluın däwam itä,”-di ul.

2018nçe yılda 41 Awrupa däwlätendä yaqınça 417 meñ irtä ülemneñ hawa pıçraqlığı belän bäyle buluı belderelgän ide. Anıñ Bötendön’ya sälamätlek saqlaw oyışması täq’dim itkän däräcägä töşerelüe här yıl yaqınça 51 meñ irtä ülemne buldırmıy qalırğa mömkinlek biräçäk dip farazlana.

Awrupa mäxkämäse êlegräk Bolgariya, Pol’şa, Rumıniya, İtaliya häm soñraq Vengriyada hawa pıçraqlığınıñ çiktän tış artuı turında qarar çığardı.

 Awrupa Berlege Franśiya, Greśiya häm Slovakiyağa qarşı da däğ’wa açtı.