Peruda saylawda Fujimori alda bara

Peruda däwlät başlığın saylawnıñ berençel näticälärenä qarağanda, uñçı partiyäneñ kandidatı Keyko Fujimori alda bara.

Tawış birüneñ berençe turı 11nçe aprel’dä uzğan ide. Anda alğa çıqqan ike kandidat ikençe turğa qaldı. Ul isä kiçä ütte.

Xäzergä qadär sanalğan tawışlarda Xalıq xakimiyäte partiyäsennän Fujimori 52,46% belän berençe urında bara. Bäysez Peru firqase kandidatı sulçı Pedro Kastillo isä 47,53% belän ikençe.

Saylawda qatnaşu däräcäse 78% bularaq belderelde.

Saylawda ciñgän kandidat Perunıñ bäysezlegeneñ 200 yıllığın bilgeläp ütüçe kön – 28nçe iyül’dä yaña xökümätne qabul itep alaçaq häm 2026nçı yılğa qadär il belän idarä itäçäk.