Yuta ştatında yañğır doğasına çaqırdılar
Gubernator Spenser Koks kümäk doğanıñ yañğır yawdıraçağın uylıy
AQŞnıñ Yuta ştatı gubernatorı Spenser Koks töbäktäge qorılıqtan qotılu öçen xalıqnı yañğır doğasında qatnaşırğa çaqırdı. Cirlektä şaqtıydan birle yawım-töşem yuq.
Gubernator videoyullamasında qorılıq belän köräşüdä Xodaynıñ yärdäme kiräklegen belderde häm Yutadağı barlıq dinnärdäge keşelärne atna axırında yañğır doğasında üzenä quşılırğa çaqırdı. Spenser Koks qorılıqnıñ igennärgä häm qırğıy tormışqa zarar birüen, ülemçel yanğınnarğa kiterä aluın da citkerde. “Kümäk xäldä bergäläp doğa qılsaq häm Täñredän yäisä, qaysı östen köçkä ışansağız, annan tağın da kübräk yañğır cibärüen sorasaq, ülemçel qorılıqtan qotılu mömkinlegebez tuarğa mömkin,”-dide gubernator.
Yutada uzğan yılda da köçle qorılıq bulğan ide, şul säbäple zur yanğınnar çıqtı. Bıyıl da cirlektä 13nçe mayda ğadättän qış xäl iğ’lan itelde.
Qorılıq xakimlek itüçe tağın ber ştat – Kaliforniya. Anda da gubernator Gêvin N’yusom 10nçı mayda ğadättän tış xäl iğ’lan itte.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy