Kolumbiyada zur protest çarasına çaqıru
Kolumbiyada 28nçe aprel’dän birle xökümätkä qarşı uram cıyınnarın oyıştıruçı Milli êş taşlaw komitetı 9nçı iyün’dä il külämendä protest çaraların ütkärergä çaqırdı
Xökümät wäkilläre belän söyläşülärdän näticä ala almağan komitet 9nçı iyün’dä başqala Bogota belän ber rättän şaqtıy şähärdä Ivan Duque xökümätenä rizasızlıq belderäçäklären citkerde.
Xökümät protest wäkilläre belän berençe êtapta kileşü öçen yullarda urnaştırılğan barrikadalarnıñ häm qamawlarnıñ beterelüen şart itep quya. Komitet isä, ilneñ törle şähärlärendä protestçılarnıñ yul yabu ğamälläreneñ 90%ınıñ beterelüen belderep, kileşü çaqıruın qabatladı.
Kolumbiya Ombudsman ofisınıñ 36 köngä citkän protestlar belän bäyle soñğı xisabına kürä, rizasızlıq çaraları waqıtında 2se poliśiya xezmätkäre belän bergä 48 keşe häläq’ bulğan, 2 meñnän kübräk keşe yaralanğan.
Başqala Bogotada isä uquçı yäş’lär tınıç uram cıyınnarın oyıştırdı.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
