Yaman şeştän "Troya atı" däwalıy

Sälamät tuqımalarğa zarar birmiçä yaman şeş küzänäklären häm bakteriyalarnı üterüçe daru uylap tabıldı. Anı sınaw äle däwam itä.

Qomsız yaman şeş küzänäkläre yäşäw öçen zur külämdä rizıq aşıy. Angliyäneñ Êdinburg universitetı tikşerenüçeläre monı isäptä totıp yaman şeş küzänäkläre belän suğışta Troya atı taktikasın qullana. Alar çirneñ küzänäklären üterüçe keçkenä molekula SeNBDnı ximik rizıq belän berläşterä häm şulay itep yaman şeşne aldıy. Monı “metabolizm suğışı” dip atıylar.

Täcribälärdä danio balığınıñ da, keşe küzänäkläre dä qullanılğan.

SeNBD – sälamät tuqımalarnı ütermi häm başqa yaman şeş belän köräşüçe preparatlar kiterä torğan çäç qoyılunı da buldırmıy. Isulnıñ qurqınıçsızlığın häm yaman şeşne irtä çorda däwalawda faydalı buluın isbatlaw öçen tağın da kübräk täcribä ütkärü kiräk.

Grek mifologiyäsendä Troya atı Troya şähärenä kerü öçen qullanılğan zur ağaç häykäl. Anı büläk dip sanap şähär divarlarınnan êçkä kertälär. Ağaç at êçendä yäşerengän suğışçılar tışqa çığıp qal’gäne yawlap ala.