Batqan köymädäge qorbannar sanı arttı

Nigeriyada 26nçı mayda yulçı köymäseneñ äylänep qaplanuı näticäsendä ğomere özelüçelärneñ sanı 92gä citte. İlneñ Niger ştatı gubernatorı Atiku Bagudu beldergänçä, êzläw-qotqaru êşçänlege barışında tağın 16 keşeneñ gäwdäse tabılğan. Mäyetlärne êzläw äle däwam itä.

Nigeriyada 26nçı mayda Niger töbägennän Kebbiğa yulçı häm äyber taşuçı köymä çiktän tış awırlıq säbäple Ngaski tiräsendä battı. İkegä ayırılğan köymädä 160 tiräse yulçı buluı farazlana.