İzrail İminlek kabinetı Ğazzädä utnı tuqtatunı rasladı

“Kanal 12” xäbär itüençä, iminlek kabinetı oyıştırğan cıyılış näticäsendä töbäktä kiyerenkelekneñ beterelüe häm utnı tuqtatu yünäleşendä qarar qabul itte.

Kanal utnı tuqtatunıñ bu tönlä cirle waqıt belän säğät’ 02:00dä başlanacağın xäbär itte.

Fälästin azatlıq xäräkäte “Hamas”tan räsmi ber zat ta bu mäğ’lümatneñ döres buluın belderde.

İzrail matbuğatında çıqqan xäbärlärdä cirle waqıt belän säğät’ 19:00da cıyılğan iminlek kabinetınıñ Ğazzädä utnı tuqtatu mäs’äläsen qarap çığaçağı belderelgän ide.

Şuşı uq xäbärlärdä Ğazzädä utnı tuqtatunıñ täêmin itelüe öçen ütkärelgän söyläşülärdä 24 säğät’ êçendä alğarışqa ireşelüeneñ kötelüe äytelgän ide.

Ğazzägä qarşı 10nçı maydan birle alıp barılğan İzrail höcümnärendä 65se balaçağa, 39ı xatın-qız belän bergä barlığı 232 fälästinleneñ ğomere özelde.