Ğazzädä häläq bulğan fälästinlelärneñ sanı 243kä citte

“Hamas” belän Tel Aviv citäkçelege arasında ireşelgän utnı tuqtatudan soñ cirle waqıt belän säğät’ 02:00dä İzrailneñ Ğazzägä höcümnäre tuqtatıldı.

Ğazzädäge Fälästin sälamätlek saqlaw ministrlığı İzrailneñ töbäkkä oyıştırğan 11 könlek höcümnärendä yäşängän can yuğaltularına qağılışlı yaña belderü yasadı.

Belderüdä Ğazzädä İzrail höcümnäre arqasında häläq’ bulğan fälästinlelär sanınıñ 243kä citüe äytelde.

Ğomere özelüçelärdän 66sınıñ balaçağa, 39ınıñ xatın-qız buluı, yaralanuçılarnıñ da 1910ğa citüe belderelde.

Şul uq waqıtta töbäktäge cirle çığanaqlar İzrail höcümnäre arqasında Ğazzädä cimerelgän öyneñ qaldıqlarınnan ber balanıñ üle gäwdäseneñ çığarıluın citkerde.

İzrailneñ yaw astındağı Könçığış Qudüs-Yerusalimdä urnaşqan Äl-Äqsa mäçetendä ramazan ayında ğibadät itüçelärgä höcüm itüe häm Şäyex Cärrah mäxälläsendä yäşäwçelärne öylärennän mäcbüri çığaru planı töbäktä kiyerenkelekne arttırdı.

Amerika Quşma Ştatları citäkçelegennän yasalğan basımnardan soñ İzrail tarafı, kire adım yasap, “Hamas” belän utnı tuqtatuğa ireşte.