İzrailneñ höcümnäre tuqtamıy

İzrail armiyäse blokada astındağı Ğazzägä oyıştırılğan höcümnärdä öylärne, basularnı häm Fälästin qarşılıq törkemnäreneñ ob’yektların nişanğa aldı. Xärbi oçqıçlar Xan Yunus şähärendä ber yorttağı fatirnı utqa totqannan soñ yaralanuçılar buluı belderelde. Höcümnärdä qalanıñ Yapon mäxälläsendä häm Räfax şähäreneñ Şabura cirlegendä urın alğan 2 yort cimerelde.

Xärbi oçqıçlar Cibaliya migrantlar lagerendäge Şüxeda mäydanın da bombaladı. Höcümdä yaralanuçılar bar häm asqorma zarar kürde.

İzrail köçläre Ğazzäneñ kön’yağında Şäyex Aclin töbägendäge basunı häm buş texnikanı nişanğa aldı. Monnan tış, Räfax häm Däyr äl-Bälaxta Fälästin qarşılıq törkemnäreneñ 3 ob’yektın bombaladılar.  

İzrail armiyäse, monnan tış, Ğazzäneñ urta öleşendä urnaşqan Nusayrat migrant lagerendağı basularğa da hawa höcümnäre oyıştırdı. Bäyt Xanunda ber qırda, utqa totqannan soñ, yanğın çıqtı.  

İzrail korabları Ğazzäneñ tön’yağında häm Xan Yunusta yar buyların bombaladı.

Ğazzägä höcümnärdä 10nçı maydan birle 230 keşe hälaq buldı, şularnıñ 65e bala. Yaralanuçılar 1620gä citte.