İzrail köçläre Amerika jurnalistın törtkäläp êtte

İzrail köçläre Qudüstäge (Yerusalim) waqıyğalarnı küzätep baruçı jurnalist, CNN İnterneşnlnıñ xäbärçese  Ben Vedemanğa höcüm itte. Anı êtkäläp-törtkäläp töşerep toruçı urınınnan yıraqlaştıralar. Vedeman belän poliśiyä arasındağı kiyerenke mizgellärne waqıyğa urınındağı başqa jurnalistlar töşerep ala.

Angliyäneñ “Sky News” kanalınıñ Yaqın Könçığış xäbärçese Mark Stoun xezmättäşeneñ êtkälänüe xaqında sośial’ mediada yazdı.

“İzrail poliśiyäse akkreditaśiyälängän CNN xäbärçese Ben Vedemannı häm anıñ törkemen törtkäläp qudı. Mondıy xällär bu atna gel bulıp tordı,”-di ul.

Mark Stoun İzrail köçläreneñ üzlärenä naçar möğamälädä buluın assızıqlıy. Ul üze ber poliśiyä xezmätkärenä kölemseräp sälam birgän häm cawap itep sügenü süzläre işetkän.