AQŞlılar İzrailgä yärdäm itügä qarşı

Amerikanıñ tanılğan şäxesläre sośial’ media akkauntları aşa İzrailneñ fälästinlelärgä kürsätkän zolımına häm AQŞnıñ İzrailgä yärdämenä rizasızlıq belderüen däwam itä. Mäşhür aktrisa S’yuzan Sarandon “Bezneñ salımnarıbız rasaçılıqnı finanslıy” dip yazdı.

İzrailneñ höcümnären häm AQŞnıñ älege ilgä qoral satuın sośial’ media aşa tänqıyt’läwçelärgä äsärläre “N’yu-York Tayms” gazetınıñ iñ yaxşı satıluçı kitaplar isemlegendä urın alğan yazuçı Naomi Klyayn da quşıldı. Şulay uq, AQŞ milli iminlek agentlığınıñ êlekkege xezmätkäre Êdvard Snowden,  “The Philadelphia Inquirer” xäbär säxifäseneñ yähüd yazuçısı Abraxam Gutman da İzrailgä yärdäm kürsätügä rizasızlıq belderde.

AQŞ Kongressınıñ möselman äğ’zası İlxan Omar da Gazzägä höcümnär başlanır aldınnan İzrailgä 735 million dollarlıq qoral satırğa röxsät itkän ilbaşı Djo Bayden idaräsen tänqıyt’lägän ide. “Bayden idaräseneñ dähşät artqan waqıtta häm grajdanlılarğa höcümnärdän soñ İzrail xökümäte räise Bin’yamin Netan’yaxuğa şartsız räweştä 735 million dollarlıq yuğarı tögällekle qoral satuğa röxsät birüe şaqqattırğıç bulır,”-dip yazdı ul.