İzraildä sinagoga cimerelde

İzraildä ber sinagogada ğıybadät waqıtında utıru urınnarı işelep 2 keşe ülde, yaqınça 167se yaralandı. Ul qanunsız kilep urnaşqan yähüdlär yäşäwçe Givat Ze toraq punktında bula.

İzrail aşığıç yärdäm xezmäte Qızıl Dawıt yoldızınnan yasalğan belderüdä işelü näticäsendä 2 keşeneñ hälaq buluı, 167 yaralanuçıdan 10sınıñ xäle awır buluı äytelä.

Poliśiyä isä ğıybadät waqıtında sinagogada 650 keşe barlığın citkerä.

İzrailneñ tön’yağında Safed şähäre tiräsendäge Meron tawında da 1nçe mayda dini bäyräm çaralarında kilep çıqqan êteş-törteştä 45 keşeneñ ğomere taptalıp özelgän ide.