Şähit sanı 28 buldı

İzrail kiçä kiç Ğazzägä oyıştırğan höcümnärendä şähit buluçılar sanı 28gä citte, 152 keşe yaralandı.

Ğazzädäge Sälamätlek saqlaw ministrlığınnan yasalğan açıqlawğa kürä soñğı höcümnärdän soñ tağın 3 keşeneñ yaqtı dön’yadan kitüe belän ülüçelär sanı 28gä citte.

Grajdan saqlanu törkemnärennän ber räsmi zat soñğı höcümnärdä Ğazzäneñ könbatışındağı ber öydä öy xalqınnan 3 keşeneñ ğomereneñ özelüen, alardan berseneñ xatın-qız, berseneñ ğarip buluın äytte.

Düşämbe kiçen İzrail armiyase Ğazzägä xärbi operaŝiyaneñ başlatıluın, Ğazzägä hawadan höcümneñ oyıştırıluın, Ğazzädän ilneñ kön’yağına şaqtıy raketanıñ ırğıtıluın açıqlağan ide.

Fälästin däwlät başlığı Mäxmüt Abbas İzrailneñ Ğazzä höcümendäge şähitlär arqasında Ramazan bäyrämeneñ qotlanmayaçağına häm bayraqlarnıñ yartılaş töşerelüenä qarar birde.