İzrail poliśiyäse jurnalistlarnı da yaraladı

İzrail poliśiyäse Äl-Aksağa basqınnarğa yul quymaw öçen saqta toruçı fälästinlelärgä höcüm itte, 278dän artıq keşe yaralandı.

Meñnärçä fälästinle irtänge namazın Könçığış Qudüs-Yerusalimnıñ İske Şähär rayonındağı Äl-Aksa mäçetendä qıldı. Ğıybadättän soñ alar mäçetneñ işegaldında täqbir äytep demonstraśiyä oyıştırdı. Kübese fanatik yähüdlärneñ basqınına qarşılıq kürsätü öçen Äl-Aksada saqta torırğa qaldı.

İzrail poliśiyäse mäçet yanındağı fälästinlelärgä küz yäşen çığaruçı gaz, plastik yädrä häm tawış bombaları belän kisken räweştä tıqşındı. Waqıyğalarnı küzätep baruçı jurnalistlar da zarar kürde. Anadolu agentlığınıñ videooperatorı Fayiz Äbu Rumeylegä höcüm itep suqtılar, fotoxäbärçe Mostafa äl-Xaruf isä plastik yädrä tiyep yaralandı.  

Äl-Aksa mäçeteneñ arslanlı qapqası yanında ber yähüd cirläşüçeseneñ maşinası belän fälästinlelär östenä taba kilüe dä videolarda kürende.

Fälästinlelär İzrail poliśiyäseneñ höcümnärenä taş atıp qarşılıq kürsätä.

Fälästin Qızılay cämğıyäte meñnärçä fälästinleneñ yaralanuın, qayber xezmätkärläreneñ Äl-Aksa mäçetenä kerüen çikläwlären belderde.

Ğıybadätxanäneñ waqıf mödire şäyex Ömär Äl-Kisvani isä Xaräm-i Şärifneñ tawış köçäytkeçläre aşa İslam dön’yasınnan yärdäm soradı.

Fanatik yähüdlär İzrailneñ Könçığış Qudüsne basıp alğan 1967nçe yıldağı 6 könlek suğışta ciñülären yähüd kalendare buyınça “Qudüs köne” bularaq bilgeläp ütä.