Fermer Bel'giyä belän Franśiyä arasındağı çikne üzgärtkän
Ul traktorına komaçawlap toruçı taşnı küçerep quya
Bel’giyä fermerı yalğış Franśiyä çigen üzgärtte. Êrklinnes bistäsendä yäşäwçe älege keşe traktorı belän basuın sörep yöri. Şunda yulında qomaçawlap toruçı taşnı başqa urınğa küçerä häm bu xäräkäte belän Bel’giyä häm Franśiyä arasındağı çikne üzgärtep quya.
Bu waqıyğa bälki sizelmiçä dä ütep kitär ide. Ämma şul tirädä yörüçe tarix belän qızıqsınuçı beräw üzgäreşne kürep ala. İke däwlät arasındağı çikne bilgeläwçe taşnıñ 2 metr 29 santimetr Franśiyä mäydanına kerüe açıqlana.
Bäxetkä, bu diplomatik krizis kiterep çığarmadı. Yaqlar mäs’äläne yumor belän xäl itte. Bel’giyäneñ Êrklinnes mêrı David Lavo keçkenä cir kisäge öçen çıqqan suğışlarnı iskä töşerep şayarttı: “Şatlandım, şähärem tağın da zuraydı”.
Bel’giyä wäqalätleläre fermer belän êlemtägä kerep, annan taşnı härwaqıttağı urınına kire quyuın sorarğa uylıy. Ägär bu barıp çıqmasa, mäs’äläne qaraw 1930nçı yıldan birle êşsez bulğan Franśiyä-Bel’giyä çik buyı komissiyäsenä tapşırılaçaq.