İzraildä Kovid-19nıñ Braziliya häm Çili variantları terkälde

İzraildä täwge tapqır Kovid-19nıñ Braziliya häm Çili variantları açıqlandı. Bu xaqta ilneñ sälamätlek saqlaw ministrlığı belderde. Alarnı Kovid-19 vakśinası qadatqan häm çit ilgä barıp qaytqan keşelärdä tabalar. İkesendä Braziliya, bersendä Çili variantı terkälä.

Monnan tış, İzrail watandaşı bulmağan 19 keşedä koronavirusnıñ Hindstanda barlıqqa kilgän töre tabıla. Bu oçraqlar belän bergä ildä terkälgän Hindstan variantı sanı 60qa citte. Uzğan atnada ul 41 keşedä açıqlanğan ide. Aralarında vakśina yasatuçılar da bar.

İzrail xalıq sanı belän çağıştırğanda iñ küp vakśina qadağan däwlät. Soñğı atnalarda anda kizüdä köndälek yoqtıru oçraqları 200dän kimräk.