Çernobıl'däge nurlanış balalarğa küçmägän

Ukrainada 1986nçı yılda bulğan Çernobıl’ atom-töş hälakätendä nurlanış aluçılarnıñ soñınnan tuğan balalarında DNK zarar kürmäwe bilgele buldı.  

BBCneñ xäbärenä qarağanda, radiaśiyä belän ağulanğan häm soñınnan awırğa uzğan xatın-qızlarnıñ 1978nçe yıldan 2002nçe yılğa qadär dön’yağa kilgän balaları tikşerelä. Alardan alınğan genetik ürnäklärdän kürengänçä, ğailäläre duçar bulğan nurlanışqa bäyle mutaśiyä annan soñğı näsellärgä küçmägän.  

Tarixi beleşmä: 1986nçı yılnıñ 26nçı aprelendä ul çorda Sovetlar Soyuzına kerüçe Ukrainanıñ başqalası Kiyevtan 130 çaqrım yıraqlıqtağı Çernobıl’ keşelek tarixındağı iñ qurqınıç hälakätlärdän bersenä şahit buldı. Atom-töş stanśiyäseneñ 4nçe reaktorındağı şartlaw arqasında tirä-yün’gä 1945nçe yılda Xirosimağa atılğan bombadan 50 tapqır kübräk nurlanış taraldı.