"Naval'nıyğa tabib kiterelsen"

Awrupa Berlege Rusiyä dairälärenä möräcäğat’ itte häm törmädä sälamätlege naçarayğan oppoziśioner Aleksey Naval’nıynıñ üze ışanğan tabiblar tarafınnan däwalanuına aşığıç räweştä röxsät birelüen soradı. Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrell bu mäs’älädäge borçuların belderde.

“Rus dairäläre Naval’nıynıñ törmädäge iminlege häm sälamätlege öçen cawaplı,”-dide ul.

Borrell Awrupa Berlegeneñ Naval’nıynı irekkä çığarırğa çaqıruın qabat xäterlätte. Ul oppoziśionernıñ totqınlıqta buluınıñ Rusiyädä oppoziśiyägä, ictimağıy tormışqa häm süz iregenä bik az urın birelüe kürsätkeçe ikänen äytte.

Borrell beldergänçä, bu tema bügen Awrupa Berlege tışqı êşlär ministrları cıyılışında qabat telgä alınaçaq.