Tanzaniya liderın kümgändä 45 keşe ülde

Tanzaniyada êlekkege däwlät başlığı Djon Magufulinıñ cenazasında çıqqan êteş-törteştä 45 keşeneñ ülüen belderdelär.

Cirle gazetalarnıñ xäbärenä qarağanda, Darüssälam şähärendäge waqıyğada hälaq buluçılarnıñ sanı 5 bularaq citkerelgän ide. Tanzaniya poliśiyäse soñınnan kürsätkeçneñ 45kä citüen äytte. Yaralanuçılar – 37.

Darüssälam poliśiyä bülege mödire Lazaro Mambosasa mäyetne kürü öçen Uxuru stadionına baruçı meñnärçä keşeneñ qağıydälärne ütämiçä stadionğa kerergä mataşuın häm monıñ êteş-törteşkä kiterüen belderde.

Yöräge awırtıp 17nçe martta ülgän Magufulinı 26nçı martta cirlädelär.