Yaponiya M’yamnada demokratiyanı torğızırğa çaqıra

M’yanma säyäsi totqınnarğa yärdäm oyışması (AAPP) citkergän ber könlek xisapta soñğı täwlektä 36 keşeneñ ğomereneñ özelüe belderelep, tuplam ülüçelärneñ kim digändä 459 buluı äytelde.

İldä 2 meñ 559 keşeneñ qulğa alınuı häm xaqlarında qulğa alınu qararı bulğan 119 keşeneñ isä yäşerenüe assızıqlandı.

Şul uq waqıtta M’yanma ğaskäre belän Karen êtnik törkemenä bäyle qorallı törkem Karen Milli berlege (KNU) arasında bäreleşlär kiçä dä däwam itte.

Karen vilayätenä bäyle Hpapun töbägendä M’yanma armiyasınıñ hawa höcümnäre näticäsendä tınıç xalıqtan yaqınça 3 meñ keşe toraq urınnarın taşlap kitte.

Kiçä Mandalayda M’yanma ğaskäre ut tertkän ber binada bulğan 7 keşe yanıp häläq’ bulğan, 11 keşe yaralanğan ide.

Şul uq waqıtta Yaponiya M’yanmada 1nçe fevral’däge tüntäreleştän soñ oyıştırılğan tınıç protestlarda M’yanma armiyasınıñ häm poliśiyasınıñ tınıç xalıqqa qarşı köç qullanuın kisken räweştä gäyepläde.

Tışqı êşlär ministrı Motegi Toşimitsu, tınıç xalıqqa ut açıluına, qulğa alınğannarğa keşesez möğamälä kürsätelüenä, matbuğat êşçänlegenä qatı basım yasaluına iğ’tibarnı yünältep, bu wazğiyätneñ M’yanma xärbiläreneñ räsmi bularaq beldergän “demokratiyanıñ ähämiyäte” mäs’äläse belän qapma-qarşı buluına işaräläde.

Motegi:

"Tınıç protestlarda çın qorallarnıñ qullanıluına yul quyıla alınmıy. M’yanma armiyası xärbilärneñ xalıq yäşäyeşen tışqı yanawlardan saqlawçı qorılış buluın xäterlärgä tiyeş.

Yaponiya xökümäte tınıç xalıqqa qarata qırıslıqnı tiz arada xäzer ük tuqtatırğa, ilneñ ğamäli liderı häm tışqı êşlär ministrı Aung San Suu Çiine irekkä cibärergä häm M’yanma demokratiyasın şunda uq torğızırğa çaqıra”, - dip äytte.