Yök korabı töpkä utırdı häm kanalnı yaptı
Ğadättän tış waqıyğa Süäeş kanalı aşa ütep yörügä kirtä buldı
Dön’yanıñ iñ zur yök köymäläre arasında urın aluçı “Evengreen” Urta diñgezne Qızıl diñgez belän totaştıruçı Süäeş kanalında töpkä utırdı. Älege Tayvan’ yök taşu şirkätenä qarawçı häm Panama bayrağın yörtüçe korabnı qotqaru öçen êşçänlek başlandı.
400 metr ozınlığındağı köymäneñ töpkä utıru säbäbe älegä tögäl bilgele tügel. Êkipajnıñ tulısınça iminiyättä buluı häm berkemneñ dä yaralanmawı belderelde.
Misırnıñ cirle mediasına interv’yu birgän ber wäqalätle qotqaru prośessınıñ 2 kön däwam itä aluın citkerde.
Korab yanı belän toru arqasında kanal aşa ütep yörü mömkin tügel, ul xäräkät öçen yabılğan.
Mäğ’lümat öçen: Süäeş kanalınıñ ozınlığı 193 çaqrım, kiñlege 220 metr, tiränlege isä 24 metr.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
