Awrupada öçençe dulqın xäbäre

Koronavirus belän köräştä zur yuğaltular kiçerüçe Awrupa däwlätläre aqrınlap açıla ğına başlağan ide. Ämma vakśina täêminatındağı problemalar, awırtu oçraqlarınıñ artuı säbäple Franśiyädän soñ İtaliyä dä qatğıy çikläwlär kertä.  İl öçençe dulqın afäte xaqında xäbär birä. Xastaxanälär artqan awıru oçraqlarına citeşä almıy.

İtaliyä qurqınıç könnärneñ qabatlanuın telämi, şuña kürä xökümät nıqlı çaralar kertep wäzğıyät’ne üz qulına alırğa niyätli. İlneñ iñ küp keşele şähärläre Rim häm Milanda qabat çikläwlär. Balalar baqçaları, mäktäplär, universitetlar häm kibetlär yabılaçaq. Yaña kisätü çaraları kimendä 6nçı aprel’gä qadär däwam itäçäk.

Tabiğat’täge sport çaralarına röxsät birelä. Êş, sälamätlek yäisä başqa töp säbäplär tışında töbäklärarası säyäxätlär tıyılğan bulıp qalaçaq.

İlneñ başqa cirleklärendä çikläwlär beraz azrak, alar kişer sarısı tösendäge afät däräcäsenä kerä. Barı tik Sardiniyä utrawlarında iñ az awıru oçrağı terkälgän, ul aq töstäge töbäk bularaq bilgelängän.