İzrail 5 fälästinle sabıynı qulğa aldı

İzrail köçläre Yordannıñ basıp alınğan Könbatış üzänlegendä ülän cıyıp yörüçe 5 fälästinle balanı qulğa aldı.

Cirle çığanaqlardan alınğan mäğ’lümatlarğa qarağanda, qulğa alınğan balalarnıñ yäş’läre 8dän 12gä qadär. Alardan 3se bertuğannar. Balalar Äl-Xälil şähäre tiräsendäge bolınnardan şaytan tayağı cıyarğa çıqqan. Älege ülän fälästinlelärdä şifa maqsatınnan qullanıla.  

Balalarnı başta cirlekkä qanunsız räweştä kilep urnaşıp toraq punkt qorğan yähüdlär quıp cibärä. Annan soñ şular uq İzrail xärbilären çaqırta. Qorallı köçlär bolınğa kilep balalarnı alıp kitä.

İzrail armiyäseneñ matbuğat xezmätennän yasalğan belderüdä älege 5 balanıñ şäxsi cirgä kerüe äytelä. Xärbilär alarnı yänäşädäge poliśiyä üzägenä alıp barğan. Balalarnı berazdan irekkä cibärgännär.