Somalida yortsız - cirsez qaluçılar sanı artqan

 2020 nçe yılda Somalida yaqınça 1 million 300 meň keşe yӓşӓgӓn cirlӓren almaştırğan.

Berlӓşkӓn Millӓtlӓr Oyışmasınıň humanitar êşlӓrne koordinaśiyӓlӓw ofisı beldergӓnçӓ, soňğı mӓğ’lümatlarğa kürӓ andıylarnıň sanı 2 million 900 meňgӓ citkӓn. Alardan 1 million 600 meňe aşığıç humanitar yӓrdӓmgӓ moxtac.

BMO açıqlawında Somalida su basu hӓm qorılıq kebek klimat belӓn bӓyle afӓtlӓrneň artuına basım yasala. 2020 nçe yılda su basulardan 2 million keşeneň zıyan kürüe , uzğan yılnıň noyabr’ ayında Puntland vilayӓtendӓ  küzӓtelgӓn Gati ğarasatında 120 meňnӓn kübrӓk keşeneň yotrsız-cirsez qaluı citkerelӓ.

Somali xökümӓte hӓm BMO 15 nçe fevral’dӓ 2021 nçe yıldağı humanitar yӓrdӓm êşçӓnleklӓre öçen 1 millard dollar kirӓklegen açıqlağan ide.