Mönäsäbätlär yaxşıra

Berläşkän Ğaräp Ämerlekläre sentäbr’ ayında mönäsäbätlärne cayğa salğan İzrailğa berençe tapqır ilçe bilgeläde.

Berläşkän Ğaräp Ämerlekläre Tışqı êşlär ministrlığınıñ Strategik êlemtä mödire Xend el-Uteybe Twitterda açıqlaw yasap, Möxämmäd Mäxmüt al Xacağa Berläşkän Ğaräp Ämerlekläreneñ İzrail tulı wäqalätle ilçese wazıyfasınıñ tapşırıluın belderde.

İzrail belän Berläşkän Ğaräp Ämerlekläre arasında 15 sentäbr’ könne Amerika Quşma Ştatlarında oyıştırılğan tantanada mönäsäbätlärneñ cayğa salınuına qarağan kileşülär imzalanğan ide.

Bu kileşülärdän soñ Berläşkän Ğaräp Ämerlekläre xökümäte 24 ğıynwarda ilneñ İzraildäge ilçelegeneñ Tel’-Avivda tözelüenä qarar birgän ide.

İzrail isä mönäsäbätlär normal’läşkännän soñ Berläşkän Ğaräp Ämerlekläre ilçelege öçen Eytan Nayexnı waqıtlıça missiya şefı bularaq Abu Dabiğa bilgelägän ide.